Description

അപരന്റെ പാദപരിചരണത്തിലൂടെ ശുശ്രൂഷകനെ എളിയവനാക്കുകയും ചികിത്സകനെയും ചികിത്സാര്‍ഥിയേയും പരസ്​പര സ്‌നേഹത്താല്‍ കൂടുതല്‍ അടുപ്പിക്കുകയും ചെയ്യുന്ന, സമഗ്ര (Holistic)വും ഔഷധരഹിതവു(Drugless)മായ ഒരു ചികിത്സാപദ്ധതിയാണ് Reflexology അഥവാ ഉത്തേജനശുശ്രൂഷ. പാദങ്ങളില്‍ വിരലുകള്‍ ഉപയോഗിച്ചുള്ള പ്രത്യേക മര്‍ദപ്രയോഗങ്ങളാണ് ഇതിന്റെ രീതി.

പ്രായാധിക്യം, പ്രമേഹം, രക്ത, ലിംഫ് പ്രവാഹങ്ങളിലെ തകരാറുകള്‍, അതു മൂലമുള്ള ശാരീരികപ്രശ്‌നങ്ങള്‍ എന്നിവ ഈ ചികിത്സാസമ്പ്രദായത്തിലൂടെ ഒരു പരിധിവരെ പരിഹരിക്കപ്പെടുന്നുവെന്ന് അനേകര്‍ സാക്ഷ്യപ്പെടുത്തുന്നു.

കുടുംബാംഗങ്ങള്‍, സുഹൃത്തുക്കള്‍, പരിചയക്കാര്‍ എന്നിവര്‍ക്കും ലഘുവായ ഈ ചികിത്സ നിര്‍വഹിക്കാവുന്നതാണ്. തൊഴിലായി സ്വീകരിക്കാവുന്നത്ര മേന്മയുള്ളതാണ് Reflexology.

ഈ ശുശ്രൂഷയെക്കുറിച്ച് ആദ്യമായി അറിയുവാനും അല്പമറിയാവുന്നവര്‍ക്ക് കൂടുതല്‍ അറിയുവാനും ഉപകരിക്കുന്നതാണ് ഈ ഉത്തമഗ്രന്ഥം.