Description

രാജലക്ഷ്മി മാനഴി

ഗുരുവായൂർ ക്ഷേത്രത്തിന്റെ സമഗ്രചരിത്രം ‘പൂർണ്ണാവതാരം’ രചിക്കുന്നതിലൂടെ രാജലക്ഷ്മി നിർവ്വഹിക്കുന്നത് പവിത്രമായ ഒരു കൃത്യമാണ്. ആ പവിത്രതയുടെ പ്രാധാന്യം തിരിച്ചറിഞ്ഞുകൊണ്ട് കൃത്യം നിർവഹിക്കുന്നതിൽ അവർ പുലർത്തുന്ന നിഷ്കർഷ ഈ ഉദ്യമത്തെ അഭിനന്ദനീയമാക്കുന്നു. ക്ഷേത്രത്തിന്റെ ആഭിമുഖ്യത്തിലുള്ള ഗ്രന്ഥശാലയിൽ പ്രവർത്തിക്കാൻ ഭഗവാൻ അവരെ അനുഗ്രഹിച്ചപ്പോൾ അതിനു ചേർന്ന ഒരു കർമ്മ പദ്ധതിയിലൂടെ ആ അനുഗ്രഹത്തെ പ്രചരിപ്പിക്കാൻ, അപരരിലേക്ക് പ്രസരിപ്പിക്കാൻ, അവർ ഉദ്യുക്തയായി. ഇത് “ഇദം ന മമ” എന്ന മന്ത്രം ഉച്ചരിച്ചും കൊണ്ടു ചെയ്യുന്ന യജ്ഞകർമ്മം പോലെയാണ്.
– ഡോ.എം.ലീലാവതി